XX. mendeko Euskararen Corpus estatistikoa
Testuingurua
Ikasten jarraituko duzu, baina, larunbat arratsaldeetan nire idazkaritzako lanak egitera etorriko zara. Ongi?.
Ibanek ezin zuen erantzun. Buruaz baietsi zuen.
- Kamioneta hau Manexek saldu dit jarraitu zuen Lopek -.
- Hura ere nire bazkidea da. Orain, kapitalista esan diezadakezu.
Ibanek uko egin zuen.
- Ez, Lope. Badakit ikasketak ordaintzen dizkidazula eta... - E! Hori, ikasle ona izaten zaren bitartean bakarrik.
-... eta gainera, Idoiari lagundu diozu.
- Ezin diezazuket kapitalista esan, daukazun guztia ematen duzulako.
- Lope, ikasten saiatuko naizela agintzen dizut eta... Leihatilatik begiratu zuen. Ez zekien zer gehiago esan.
Orduan, Lopek esan zion: - Ongi begiratu eta erantzun jendearen diosalei.
Akademiaren ondotik iragan ziren berriro.
Han, oraindik, ikasle talde bat gelditzen zen eta hauek, besoak altxatuz oihu egin zioten: - Agur Iban! Eguberri On, Iban! Azkenik, aurretik denak bat hartuta egon bailiren, motorearen hotsa estaltzerainoko zarataz, oihukatu zuten: - Iban! Trapusaltzailea! Une hartan izen hori entzutea, Ibanentzat, inoiz baino politagoa izan zen eta baita inoiz baino hunkigarriagoa ere.